Comisiwn y Cynulliad
Assembly Commission
NAFWC
2011
Cofnodion
cyfarfod 14 Mawrth 2011
Dyddiad: 14 Mawrth
2011
Amser: 17:00
Lleoliad: Ystafell gynadledda
4B
Yn bresennol:
Y Llywydd, Cadeirydd
William Graham AC (y Ceidwadwyr)
Lorraine Barrett AC (Llafur)
Peter Black AC (Democratiaid Rhyddfrydol)
Chris Franks AC (Plaid Cymru)
Swyddogion yn bresennol:
Claire Clancy, Prif Weithredwr a Chlerc
Dianne Bevan, Prif Swyddog Gweithredu
Keith Bush, Cyfarwyddwr y Gwasanaethau Cyfreithiol
Adrian Crompton, Cyfarwyddwr Busnes y Cynulliad
Craig Stephenson, Pennaeth Cymorth i’r Comisiwn ac i’r
Aelodau
Helen Finlayson, yr Ysgrifenyddiaeth
Helen Birtwhistle, Cyfathrebu Allanol – eitem 2
Natalie Drury-Styles, Rheolwr Gwasanaethau Allgymorth a
Chysylltiadau Rhyngwladol – eitem 2
Cynghorwyr Annibynnol:
Mair Barnes
Arsylwyr:
Neb.
Eraill:
Neb.
1.
Cyflwyniad ac ymddiheuriadau
Ni chafwyd ymddiheuriadau.
Datgan
buddiannau
Nid oedd buddiannau i’w datgan.
Cofnodion y cyfarfod blaenorol – 27 Ionawr
2011
Cytunwyd yn ffurfiol ar y cofnodion.
Materion yn codi o gyfarfod 27 Ionawr
2011
Nid oedd materion yn codi o’r
cyfarfod.
2.
Agoriad y Pedwerydd Cynulliad
Cyflwynodd Helen Birtwhistle y papur, a oedd yn
amlinellu’r cynigion ar gyfer cynnal dathliad
aml-ddiwylliant, cynhwysol a fyddai’n cynrychioli’r
gymdeithas gyfan yng Nghymru.
Bu’r Comisiwn yn trafod y cynigion, ond methodd â chytuno ar fanylion y trefniadau, ac felly ni allodd eu cymeradwyo.
3.
Adolygu cyraeddiadau’r Trydydd Cynulliad: adroddiad
etifeddiaeth Comisiwn y Cynulliad
Cyflwynodd Claire Clancy y papur, gan nodi bod yr adroddiad
etifeddiaeth drafft yn cofnodi cyraeddiadau Comisiwn y Cynulliad yn
ystod y Trydydd Cynulliad ac yn cynnig argymhellion i geisio
cynorthwyo’r Comisiwn newydd yn y Pedwerydd
Cynulliad.
Cytunodd y Comisiwn ei fod yn fodlon â strwythur a ffocws yr adroddiad, ac y dylai’r adroddiad terfynol gael ei gyhoeddi yn ystod yr wythnos sy’n dechrau 9 Mai 2011.
4.
Fframwaith ar gyfer adroddiad blynyddol a chyfrifon 2010-11
Comisiwn y Cynulliad
Cyflwynwyd y papur gan Claire Clancy. Amlinellodd y fframwaith
arfaethedig ar gyfer yr adroddiad blynyddol a’r cyfrifon, a
nododd ei fod yn debyg i’r fframwaith a ddefnyddiwyd yn y
blynyddoedd diwethaf.
Cytunodd y Comisiwn ar yr amlinelliad a’r amserlen arfaethedig ar gyfer adroddiad blynyddol a chyfrifon 2010-11.
5.
Adroddiad a Phenderfyniad y Bwrdd Taliadau
Cyflwynwyd y papur gan Adrian Crompton, gan nodi bod Mesur
Cynulliad Cenedlaethol Cymru (Taliadau) 2010, a sefydlodd y Bwrdd
Taliadau, yn gosod dyletswydd ar y Comisiwn i osod Penderfyniad y
Bwrdd, ac unrhyw adroddiad sy’n cyd-fynd ag ef, gerbron y
Cynulliad cyn gynted ag y bo’n rhesymol ymarferol.
Mynegodd y Comisiwn ei ddiolch i’r Bwrdd Taliadau am ei Benderfyniad a’i adroddiad cyntaf, ac i’r ysgrifenyddiaeth a fu’n cynorthwyo gwaith y Bwrdd.
Nododd William Graham AC, fel cadeirydd Ymddiriedolwyr Cynllun Pensiwn yr Aelodau, fod yr Ymddiriedolwyr yn awyddus i weithio gyda’r Bwrdd ar ei adolygiad o drefniadau pensiwn yr Aelodau, a’u bod yn croesawu’r ffaith bod Memorandwm Cyd-ddealltwriaeth eglur yn cael ei ddatblygu rhwng y Bwrdd, yr Ymddiriedolwyr a’r Comisiwn.
Cytunodd y Comisiwn y dylai’r Penderfyniad a’r adroddiad sy’n cyd-fynd ag ef gael eu gosod gerbron y Cynulliad ar 15 Mawrth, a’u cyhoeddi ar ei wefan ar yr un diwrnod
6.
Adroddiad y Bwrdd Rheoli i’r Comisiwn
Cafodd y papur, a oedd yn rhoi’r wybodaeth ddiweddaraf am
waith y Cynulliad drwyddo draw, ei nodi gan y Comisiwn.
Ystyriodd y Comisiwn y broses ar gyfer ymgynghori ar Fesur arfaethedig ynghylch gwasanaethau dwyieithog a’i gynllun Gwasanaethau Dwyieithog newydd, a chytunodd y dylid gohirio’r ymgynghoriad cyhoeddus tan ddechrau’r Pedwerydd Cynulliad.
Bu’r Comisiwn yn trafod mater caniatáu mynediad yn ystod y diddymiad i rannau o Ystâd y Cynulliad nad ydynt yn fannau cyhoeddus ar gyfer staff cymorth yr Aelodau sy’n sefyll fel ymgeiswyr yn etholiad y Cynulliad. Roedd y Comisiwn yn cefnogi’r egwyddor y dylid trin pob ymgeisydd yn gyfartal, a chytunodd felly na ddylid caniatáu mynediad yn ystod y diddymiad i fannau nad ydynt yn fannau cyhoeddus i staff cymorth sy’n sefyll fel ymgeiswyr.
Bu’r Comisiwn yn trafod cais gan artist o Gymru i gael ei gomisiynu i dynnu darlun o’r Pedwerydd Cynulliad yn cwrdd, a chytunodd na fyddai modd iddo gytuno i’r cais.
Nododd y Comisiwn fod y Prif Gynghorydd Cyfreithiol yn adolygu’r canllawiau ar gyfer cynnal digwyddiadau a noddir gan Aelodau ar ystâd y Cynulliad. Byddai’r canllawiau diwygiedig yn egluro cyfrifoldebau’r Aelodau mewn perthynas â digwyddiadau roeddent yn eu noddi, ac yn llymhau’r amodau ar gyfer cynnal digwyddiadau. Byddai’n rhoi cyfle i ystyried y dull gorau o ymateb i bryderon a nodwyd yn ddiweddar am sefydliad a ddefnyddiodd adnoddau’r Cynulliad er yr honnwyd bod rhai o aelodau’r sefydliad hwnnw’n gysylltiedig â difrod a wnaed i swyddfa etholaethol Aelod Cynulliad.
7.
Materion i’w nodi
Cyflwynodd y Comisiwn ei ddiolchiadau i’w gynghorwyr
annibynnol, Mair Barnes, Richard Calvert, Tim Knighton a’r
Athro Robert Pickard, am eu cymorth a’u herio adeiladol yn
ystod y Trydydd Cynulliad.